ﺁﺝ ﺭﺍﺕ ﺗﮏ ﺍﭘﻨﮯ ﮐﺴﯽ ﺁﺩﻣﯽ ﮐﻮ ﺁﺟﺎﻧﺎ" ﭼﺎﮨﯿﮯ۔ ‘‘ ﺍﺑﻮ ﻋﺒﯿﺪﮦؓ ﻧﮯ ﮐﮩﺎ۔ ’’ ﺍﺑﻮ ﺳﻠﯿﻤﺎﻥ ! ﺟﺐ ﺗﮏ ﺁﮔﮯ ﮐﯽ ﻣﺼﺪﻗﮧ ﺻﻮﺭﺕِ ﺣﺎﻝ ﻣﻌﻠﻮﻡ ﻧﮩﯿﮟ ﮨﻮ ﺟﺎﺗﯽ ﮨﻢ ﺁﮔﮯ ﻧﮩﯿﮟ ﺟﺎﺋﯿﮟ ﮔﮯ۔ ‘‘ ﺍﭘﻨﮯ ﮐﺴﯽ ﺁﺩﻣﯽ ﺳﮯ ﻣﺮﺍﺩ ﻭﮦ ﺟﺎﺳﻮﺱ ﺗﮭﮯ ﺟﻮ ﺍﻧﻄﺎﮐﯿﮧ ﺗﮏ ﭘﮩﻨﭽﮯ ﮨﻮﺋﮯ ﺗﮭﮯ۔ ﺧﺎﻟﺪؓ ﻧﮯ ﺍﭘﻨﯽ ﺳﭙﮧ ﺳﺎﻻﺭﯼ ﮐﮯ ﺩﻭﺭ ﻣﯿﮟ ﺟﺎﺳﻮﺳﯽ ﮐﮯ ﻧﻈﺎﻡ ﮐﻮ ﺑﺎﻗﺎﻋﺪﮦ ﺍﻭﺭ ﻣﻨﻈﻢ ﮐﺮ ﺩﯾﺎﺗﮭﺎ ﺍﻭﺭ ﺟﺎﺳﻮﺳﻮﮞ ﮐﻮ ﺩﻭﺭ ﺩﻭﺭ ﺗﮏ ﭘﮭﯿﻼ ﺩﯾﺎ ﺗﮭﺎ۔ ﻣﺴﻠﻤﺎﻥ ﺟﺎﺳﻮﺱ ﺟﺎﻥ ﮐﯽ ﺑﺎﺯﯼ ﻟﮕﺎ ﮐﺮ ﺑﮍﯼ ﻗﯿﻤﺘﯽ ﻣﻌﻠﻮﻣﺎﺕ ﻟﮯ ﺁﺗﮯ ﺗﮭﮯ۔ﻣﺆﺭﺧﻮﮞ ﮐﮯ ﻣﻄﺎﺑﻖ، ﮨﺮﻗﻞ ﻧﮯ ﺍﭘﻨﯽ ﻓﻮﺝ ﮐﯽ ﭘﮯ ﺩﺭ ﭘﮯ ﺷﮑﺴﺘﻮﮞ ﮐﯽ ﺧﺒﺮﯾﮟ ﺳﻦ ﺳﻦ ﮐﺮ ﺍﺱ ﺣﻘﯿﻘﺖ ﮐﻮ ﻗﺒﻮﻝ ﮐﺮ ﻟﯿﺎ ﺗﮭﺎ ﮐﮧ ﻭﮦ ﻣﺴﻠﻤﺎﻧﻮﮞ ﮐﻮ ﺑﮑﮭﺮﯼ ﮨﻮﺋﯽ ﻟﮍﺍﺋﯿﻮﮞ ﻣﯿﮟ ﺷﮑﺴﺖ ﻧﮩﯿﮟ ﺩﮮ ﺳﮑﺘﺎ۔ﺍﯾﮏ ﺷﮑﺴﺘﯿﮟ ﺗﻮ ﻭﮦ ﺗﮭﯿﮟ ﺟﻮ ﺭﻭﻣﯽ ﻓﻮﺝ ﮐﻮ ﺧﺎﻟﺪؓ ﭘﮭﺮ ﺍﺑﻮ ﻋﺒﯿﺪﮦؓ ﻧﮯ ﺩﯼ ﺗﮭﯿﮟ، ﺍﻭﺭ ﺩﻭﺳﺮﯼ ﻭﮦ ﺗﮭﯿﮟ ﺟﻮ ﺩﻭﺳﺮﮮ ﺳﺎﻻﺭ ﺷﺎ ﻡ ﮐﮯ ﺩﻭﺳﺮﮮ ﻋﻼﻗﻮﮞ ﻣﯿﮟ ﺭﻭﻣﯿﻮﮞ ﮐﻮ ﺩﯾﺘﮯ ﭼﻠﮯ ﺁﺭﮨﮯ ﺗﮭﮯ۔ ﻣﺴﻠﻤﺎﻧﻮﮞ ﮐﻮ ﻓﯿﺼﻠﮧ ﮐﻦ ﺷﮑﺴﺖ ﺩﯾﻨﮯ ﮐﺎ ﺍﯾﮏ ﮨﯽ ﻃﺮﯾﻘﮧ ﺗﮭﺎ ﮐﮧ ﺍﻧﮩﯿﮟ ﮐﺴﯽ ﺍﯾﮏ ﻣﯿﺪﺍﻥ ﻣﯿﮟ ﺍﮐﭩﮭﺎ ﮨﻮﻧﮯ ﭘﺮ ﻣﺠﺒﻮﺭ ﮐﯿﺎ ﺟﺎﺋﮯ ﺍﻭﺭ ﺍﻥ ﮐﮯ ﻣﺨﺎﻟﻒ ﺍﻥ ﺳﮯ ﮐﺌﯽ ﮔﻨﺎ ﺯﯾﺎﺩﮦ ﻓﻮﺝ ﻣﯿﺪﺍﻥ ﻣﯿﮟ ﺍﺗﺎﺭﯼ ﺟﺎﺋﮯ۔ ﭼﻨﺎﻧﭽﮧ ﺍﺱ ﻧﮯ ﻧﺌﯽ ﺍﻭﺭ ﺑﮩﺖ ﺑﮍﯼ ﻓﻮﺝ ﺗﯿﺎﺭ ﮐﺮﻧﯽ ﺷﺮﻭﻉ ﮐﺮ ﺩﯼ ﺗﮭﯽ۔ ﻣﺴﻠﻤﺎﻧﻮﮞ ﻧﮯ ﺟﺐ ﺣﻤﺺ ﭘﺮﻗﺒﻀﮧ ﮐﯿﺎ ﺍﺱ ﻭﻗﺖ ﺗﮏ ﺍﺱ ﮐﯽ ﻧﺌﯽ ﻓﻮﺝ ﮐﯽ ﻧﻔﺮﯼ ﮈﯾﮍﮪ ﻻﮐﮫ ﮨﻮ ﭼﮑﯽ ﺗﮭﯽ۔ ﺍﻧﻄﺎﮐﯿﮧ ﺳﮯ ﭼﺎﻟﯿﺲ ﻣﯿﻞ ﺩﻭﺭ ﺍﺑﻮ ﻋﺒﯿﺪﮦؓ ﺍﻭﺭ ﺧﺎﻟﺪؓ ﺍﭘﻨﮯ ﺩﺳﺘﻮﮞ ﮐﮯ ﺳﺎﺗﮫ ﺭﮐﮯ ﮨﻮﺋﮯ ﺗﮭﮯ۔ ﺍﺱ ﮐﮯ ﺩﻭ ﺭﻭﺯ ﺑﻌﺪ ﺟﺐ ﺍﻧﮩﻮﮞ ﻧﮯ ﺭﻭﻣﯿﻮﮞ ﮐﺎ ﻗﺎﻓﻠﮧ ﭘﮑﮍﺍ ﺗﮭﺎ، ﻣﺴﻠﻤﺎﻥ ﻣﻐﺮﺏ ﮐﯽ ﻧﻤﺎﺯ ﮐﯽ ﺗﯿﺎﺭﯼ ﮐﺮ ﺭﮨﮯ ﺗﮭﮯ ﮐﮧ ﺍﮎ ﮔﮭﻮﮌ ﺳﻮﺍﺭ ﭘﮍﺍﺅ ﮐﯽ ﻃﺮﻑ ﺁﺗﺎ ﺩﮐﮭﺎﺋﯽ ﺩﯾﺎ۔ ﺍﺗﻨﯽ ﺩﻭﺭ ﺳﮯ ﭘﺘﺎ ﻧﮩﯿﮟ ﭼﻠﺘﺎ ﺗﮭﺎ ﮐﮧ ﻭﮦ ﺭﻭﻣﯿﻮﮞ ﮐﺎ ﮐﻮﺋﯽ ﻓﻮﺟﯽ ﺳﻮﺍﺭ ﮨﮯ ﯾﺎ ﮐﻮﺋﯽ ﻣﺴﺎﻓﺮ ﮨﮯ۔ ﭘﮍﺍﺅ ﺳﮯ ﮐﭽﮫ ﺩﻭﺭ ﺍﺱ ﻧﮯ ﮔﮭﻮﮌﺍ ﻣﻮﮌ ﻟﯿﺎ ﺍﻭﺭ ﭘﺮﺍﺅ ﮐﮯ ﺍﺭﺩﮔﺮﺩ ﮔﮭﻮﮌﺍ ﺩﻭﮌﺍﻧﮯ ﻟﮕﺎ ﺟﯿﺴﮯ ﭘﮩﭽﺎﻧﻨﮯ ﮐﯽ ﮐﻮﺷﺶ ﮐﺮ ﺭﮨﺎ ﮨﻮ۔ ﺍﺱ ﮐﺎ ﻟﺒﺎﺱ ﻣﺴﻠﻤﺎﻧﻮﮞ ﺟﯿﺴﺎ ﻧﮩﯿﮟ ﺗﮭﺎ۔ ’’ ﭘﮑﮍ ﻻﺅ ﺍﺳﮯ ‘‘! ﮐﺴﯽ ﮐﻤﺎﻧﺪﺍﺭ ﻧﮯ ﺍﭘﻨﮯ ﺳﻮﺍﺭﻭﮞ ﮐﻮ ﺣﮑﻢ ﺩﯾﺎ۔ ﺳﻮﺍﺭ ﺍﺑﮭﯽ ﮔﮭﻮﮌﻭﮞ ﭘﺮ ﺯﯾﻨﯿﮟ ﮈﺍﻝ ﺭﮨﮯ ﺗﮭﮯ ﮐﮧ ﺍﺱ ﺍﺟﻨﺒﯽ ﺳﻮﺍﺭ ﻧﮯ ﮔﮭﻮﮌﺍ ﭘﮍﺍﺅ ﮐﯽ ﻃﺮﻑ ﻣﻮﮌ ﺩﯾﺎ۔ ’’ ﺍﷲ ﺍﮐﺒﺮ ! ﺍﺱ ﻧﮯ ﻧﻌﺮﮦ ﻟﮕﺎﯾﺎ ﺍﻭﺭ ﻗﺮﯾﺐ ﺁﮐﺮ ﺍﺱ ﻧﮯ ﺑﮍﯼ ﺑﻠﻨﺪ ﺁﻭﺍﺯ ﻣﯿﮟ ﮐﮩﺎ۔ ’’ ﻣﯿﮟ ﺍﭘﻨﮯ ﭘﺮﭼﻢ ﮐﻮ ﭘﮩﭽﺎﻧﻨﮯ ﮐﯽ ﮐﻮﺷﺶ ﮐﺮ ﺭﮨﺎ ﺗﮭﺎ۔ ‘‘ ’’ ﺍﺑﻦِ ﺍﺣﺪﯼ ‘‘! ﮐﺴﯽ ﻧﮯ ﮐﮩﺎ ﺍﻭﺭ ﭼﻨﺪ ﺍﯾﮏ ﻣﺠﺎﮨﺪﯾﻦ ﺍﺱ ﮐﯽ ﻃﺮﻑ ﺩﻭﮌﮮ۔ ﺍﯾﮏ ﻧﮯ ﮐﮩﺎ۔ ’’ ﺧﺪﺍ ﮐﯽ ﻗﺴﻢ ! ﮨﻢ ﺍﺏ ﺑﮭﯽ ﺗﺠﮭﮯ ﺭﻭﻣﯽ ﻓﻮﺝ ﺳﻤﺠﮫ ﺭﮨﮯ ﮨﯿﮟ۔ ’’‘‘ ﮐﯿﺎ ﯾﮧ ﻟﺒﺎﺱ ﺍﺱ ﺭﻭﻣﯽ ﮐﺎ ﮨﮯ ﺟﺴﮯ ﺗﻮ ﻧﮯ ﻗﺘﻞ ﮐﯿﺎ ﮨﻮﮔﺎ؟ ‘‘ ﺍﯾﮏ ﻧﮯ ﭘﻮﭼﮭﺎ۔ﺍﺑﻦِ ﺍﺣﺪﯼ ﮐﺴﯽ ﮐﻮ ﺑﺘﺎ ﻧﮩﯿﮟ ﺳﮑﺘﺎ ﺗﮭﺎ۔ ﮐﮧ ﻭﮦ ﺟﺎﺳﻮﺱ ﮨﮯ ﺍﻭﺭ ﺍﻧﻄﺎﮐﯿﮧ ﺳﮯ ﺁﯾﺎ ﮨﮯ۔ ﻭﮦ ﺍﺑﻮ ﻋﺒﯿﺪﮦؓ ﮐﮯ ﺧﯿﻤﮯ ﻣﯿﮟ ﭼﻼ ﮔﯿﺎ۔ ﻭﮦ ﺍﻥ ﺗﯿﻦ ﭼﺎﺭ ﺟﺎﺳﻮﺳﻮﮞ ﻣﯿﮟ ﺳﮯ ﺍﯾﮏ ﺗﮭﺎ ﺟﻮ ﮈﯾﮍﮪ ﺩﻭ ﻣﮩﯿﻨﻮﮞ ﺳﮯ ﺍﻧﻄﺎﯾﮧ ﮔﺌﮯ ﮨﻮﺋﮯ ﺗﮭﮯ۔ ’’ ﺗﺠﮫ ﭘﺮ ﺍﷲ ﮐﯽ ﺳﻼﻣﺘﯽ ﮨﻮ ﺍﺑﻦِ ﺍﺣﺪﯼ ‘‘! ﺍﺑﻮ ﻋﺒﯿﺪﮦؓ ﻧﮯ ﺍﺳﮯ ﮔﻠﮯ ﻟﮕﺎ ﮐﺮ ﮐﮩﺎ ۔ ’’ ﮨﻢ ﺍﻧﻄﺎﮐﯿﮧ ﮐﯽ ﺧﺒﺮ ﮐﮯ ﺍﻧﺘﻈﺎﺭ ﻣﯿﮟ ﺑﯿﭩﮭﮯ ﮨﯿﮟ۔ ‘‘ ﺍﺑﻦِ ﺍﺣﺪﯼ ﻧﮯ ﺧﺎﻟﺪؓﮐﮯ ﺳﺎﺗﮫ ﻣﺼﺎﻓﺤﮧ ﮐﯿﺎ۔ﺧﺎﻟﺪؓ ﻧﮯ ﺑﮭﯽ ﺍﺳﮯ ﮔﻠﮯ ﻟﮕﺎ ﻟﯿﺎ۔ ’’ ﮐﯿﺎ ﺧﺒﺮ ﻻﺋﮯ ﮨﻮ؟ ‘‘ ﺧﺎﻟﺪؓ ﻧﮯ ﭘﻮﭼﮭﺎ۔ ’’ ﺳﯿﺎﮦ ﮐﺎﻟﯽ ﮔﮭﭩﺎ ﮨﮯ ﺟﻮ ﺍﻧﻄﺎﮐﯿﮧ ﮐﮯ ﺍﻓﻖ ﺳﮯ ﺍﭨﮫ ﺭﮨﯽ ﮨﮯ۔ ‘‘ ﺍﺑﻦِ ﺍﺣﺪﯼ ﻧﮯ ﻋﺮﺑﻮﮞ ﮐﮯ ﻣﺨﺼﻮﺹ ﺷﺎﻋﺮﺍﻧﮧ ﺍﻧﺪﺍﺯ ﻣﯿﮟ ﮐﮩﺎ۔ ’’ ﺍﺱ ﮔﮭﭩﺎ ﺳﮯ ﺟﻮ ﻣﯿﻨﮧ ﺑﺮﺳﮯ ﮔﺎ ﻭﮦ ﺯﻣﯿﻦ ﭘﺮ ﺳﯿﻼﺏ ﺑﻦ ﮐﺮ ﭼﭩﺎﻧﻮﮞ ﮐﻮ ﺑﮭﯽ ﺑﮩﺎ ﻟﮯ ﺟﺎﺋﮯ ﮔﺎ۔ ﺍﻣﯿﻦ ﺍﻻﻣﺖ ﺍﻭﺭ ﺍﺑﻦ ﺍﻟﻮﻟﯿﺪ ! ﺍﷲ ﻧﮯ ﺗﻤﮩﯿﮟ ﺍﺷﺎﺭﮦ ﺩﯾﺎ ﮨﮯ ﮐﮧ ﺁﮔﮯ ﻧﮧ ﺟﺎﻧﺎ۔ ‘‘ ’’ ﮨﻤﯿﮟ ﯾﮧ ﺍﺷﺎﺭﮦ ﺩﺷﻤﻦ ﮐﮯ ﺍﯾﮏ ﻗﺎﻓﻠﮯ ﻧﮯ ﺩﯾﺎ ﮨﮯ۔ ‘‘ ﺍﺑﻮ ﻋﺒﯿﺪﮦؓ ﻧﮯ ﮐﮩﺎ۔ ’’ ﯾﮧ ﺭﻭﻣﯿﻮﮞ ﮐﺎ ﻓﻮﺟﯽ ﻗﺎﻓﻠﮧ ﮨﮯ ﺟﺴﮯ ﮨﻢ ﻧﮯ ﭘﮑﮍ ﻟﯿﺎ ﮨﮯ۔ ‘‘ ’’ ﺍﺳﮯ ﺍﷲﮐﺎ ﺑﮭﯿﺠﺎ ﮨﻮﺍ ﻗﺎﻓﻠﮧ ﺳﻤﺠﮫ ﺍﻣﯿﻦ ﺍﻻﻣﺖ ‘‘! ﺍﺑﻦِ ﺍﺣﺪﯼ ﻧﮯ ﮐﮩﺎ۔ ’’ ﺍﺏ ﭘﻮﺭﯼ ﺑﺎﺕ ﻣﺠﮫ ﺳﮯ ﺳﻦ۔ ﺍﻧﻄﺎﮐﯿﮧ ﮐﮯ ﺍﻧﺪﺭ ﺍﻭﺭ ﺑﺎﮨﺮ ﻟﺸﮑﺮ ﮐﮯ ﺳﭙﺎﮨﯿﻮﮞ ﺍﻭﺭ ﮔﮭﻮﮌﻭﮞ ﮐﮯ ﺳﻮﺍ ﮐﭽﮫ ﺍﻭﺭ ﻧﻈﺮ ﻧﮩﯿﮟ ﺁﺗﺎ۔ ﺍﻧﻄﺎﮐﯿﮧ ﮐﮯ ﮔﺮﺩﻭﻧﻮﺍﺡ ﻣﯿﮟ ﺩﻭﺭ ﺩﻭﺭ ﺗﮏ ﺧﯿﻤﻮﮞ ﮐﺎ ﺟﻨﮕﻞ ﮨﮯ۔ ﺟﻮ ﺑﮍﮬﺘﺎ ﮨﯽ ﺟﺎ ﺭﮨﺎ ﮨﮯ ۔ﮨﺮﻗﻞ ﻧﮯ ﺟﻮ ﻣﻨﺼﻮﺑﮧ ﺑﻨﺎﯾﺎ ﮨﮯ ﻭﮦ ﺑﮩﺖ ﺧﻄﺮﻧﺎﮎ ﮨﮯ۔ ‘‘ ’’ ﮐﯿﺎ ﺗﯿﺮﯼ ﺧﺒﺮ ﻣﺼﺪﻗﮧ ﮨﻮ ﺳﮑﺘﯽ ﮨﮯ؟ ‘‘ ﺧﺎﻟﺪؓ ﻧﮯ ﭘﻮﭼﮭﺎ۔ ’’ ﻣﯿﮟ ﮨﺮﻗﻞ ﮐﯽ ﻓﻮﺝ ﮐﮯ ﺍﯾﮏ ﭨﻮﻟﮯ ﮐﺎ ﮐﻤﺎﻧﺪﺍﺭ ﮨﻮﮞ ﺍﺑﻮ ﺳﻠﯿﻤﺎﻥ ‘‘! ﺍﺑﻦِ ﺍﺣﺪﯼ ﻧﮯ ﻣﺴﮑﺮﺍﺗﮯ ﮨﻮﺋﮯ ﮐﮩﺎ۔ ’’ ﺭﻭﻣﯿﻮﮞ ﮐﯽ ﺍﺱ ﻭﻗﺖ ﯾﮧ ﺣﺎﻟﺖ ﮨﮯ ﮐﮧ ﺟﻮ ﮐﻮﺋﯽ ﺍﻧﻄﺎﮐﯿﮧ ﮐﮯ ﺩﺭﻭﺍﺯﮮ ﭘﺮ ﺟﺎ ﮐﺮ ﮐﮩﮯ ﮐﮧ ﻓﻮﺝ ﻣﯿﮟ ﺑﮭﺮﺗﯽ ﮨﻮﻧﮯ ﺁﯾﺎ ﮨﻮﮞ ﺗﻮ ﺍﺱ ﮐﯿﻠﺌﮯ ﺷﮩﺮ ﮐﮯ ﺳﺎﺭﮮ ﺩﺭﻭﺍﺯﮮ ﮐﮭﻞ ﺟﺎﺗﮯ ﮨﯿﮟ۔ ‘‘ ﺍﺑﻦِ ﺍﺣﺪﯼ ﺟﺲ ﻃﺮﺡ ﺍﻧﻄﺎﮐﯿﮧ ﮐﯽ ﻓﻮﺝ ﻣﯿﮟ ﺷﺎﻣﻞ ﮨﻮﺍ ﺗﮭﺎ ﺍﺱ ﮐﯽ ﺍﺱ ﻧﮯ ﺗﻔﺼﯿﻼﺕ ﺑﺘﺎﺋﯿﮟ۔ ﻭﮦ ﺍﭘﻨﮯ ﺳﺎﺗﮭﯿﻮﮞ ﮐﮯ ﺳﺎﺗﮫ ﻋﯿﺴﺎﺋﯽ ﻋﺮﺏ ﺑﻦ ﮐﺮ ﺍﻧﻄﺎﮐﯿﮧ ﮔﯿﺎ ﺗﮭﺎ۔ ﺍﻧﮩﯿﮟ ﺍﺳﯽ ﻭﻗﺖ ﻓﻮﺝ ﮐﮯ ﺣﻮﺍﻟﮯ ﮐﺮ ﺩﯾﺎ ﮔﯿﺎ۔ ﺍﺱ ﺭﻭﺯ ﮔﮭﻮﮌ ﺩﻭﮌ ﮐﮯ ﻣﯿﺪﺍﻥ ﻣﯿﮟ ﺷﮩﺴﻮﺍﺭﯼ، ﺗﯿﻎ ﺯﻧﯽ ﺍﻭﺭ ﺩﻭﮌﺗﮯ ﮔﮭﻮﮌﮮ ﺳﮯ ﺗﯿﺮ ﻧﺸﺎﻧﮯ ﭘﺮ ﭼﻼﻧﮯ ﮐﮯ ﻣﻘﺎﺑﻠﮯ ﮨﻮﺭﮨﮯ ﺗﮭﮯ ﺍﻥ ﻣﯿﮟ ﮨﺮ ﮐﻮﺋﯽ ﺷﺎﻣﻞ ﮨﻮ ﺳﮑﺘﺎ ﺗﮭﺎ۔ ﺍﺑﻦِ ﺍﺣﺪﯼ ﺍﭘﻨﯽ ﻓﻮﺝ ﮐﺎ ﻣﺸﮩﻮﺭ ﺷﮩﺴﻮﺍﺭ ﺗﮭﺎ ﺍﻭﺭ ﺑﮍﺍ ﮨﯽ ﺧﻮﺑﺼﻮﺭﺕ ﺟﻮﺍﻥ۔ ﻭﮦ ﻣﻘﺎﺑﻠﮯ ﻣﯿﮟ ﺍﺱ ﻃﺮﺡ ﺷﺮﯾﮏ ﮨﻮﺍ ﮐﮧ ﻣﯿﺪﺍﻥ ﻣﯿﮟ ﺟﺎ ﮐﺮ ﮔﮭﻮﮌﺍ ﭼﮑﺮ ﻣﯿﮟ ﺩﻭﮌﺍﯾﺎ ﺍﻭﺭ ﺗﻠﻮﺍﺭ ﻧﮑﺎﻝ ﮐﺮ ﺗﯿﻎ ﺯﻥ ﺳﻮﺍﺭﻭﮞ ﮐﻮ ﻣﻘﺎﺑﻠﮯ ﮐﯿﻠﺌﮯ ﻟﻠﮑﺎﺭﺍ۔ ﺍﯾﮏ ﺳﻮﺍﺭ ﺍﺱ ﮐﮯ ﻣﻘﺎﺑﻠﮯ ﻣﯿﮟ ﺍﺗﺮﺍ ﻭﮦ ﺭﻭﻣﯽ ﺗﮭﺎ۔ ’’ ﺍﮔﺮ ﺗﺠﮭﮯ ﺍﭘﻨﮯ ﺑﺎﺯﻭﺅﮞ ﺍﻭﺭ ﺍﭘﻨﮯ ﮔﮭﻮﮌﮮ ﭘﺮ ﭘﻮﺭﺍ ﺑﮭﺮﻭﺳﮧ ﮨﮯ ﺗﻮ ﻣﯿﺮﮮ ﻣﻘﺎﺑﻠﮯ ﻣﯿﮟ ﺁ ﺍﮮ ﺍﺟﻨﺒﯽ ﺳﻮﺍﺭ ! ‘‘ ﺍﺑﻦِ ﺍﺣﺪﯼ ﻧﮯ ﺍﺱ ﺳﮯ ﮐﮩﺎ۔ ’’ ﻣﯿﺮﯼ ﺗﻠﻮﺍﺭ ﺗﯿﺮﮮ ﺧﻮﻥ ﮐﯽ ﭘﯿﺎﺳﯽ ﺗﻮ ﻧﮩﯿﮟ ﻟﯿﮑﻦ ﺍﺱ ﮐﮯ ﺳﺎﻣﻨﮯ ﺗﯿﺮﯼ ﺗﻠﻮﺍﺭ ﺁﺋﮯ ﮔﯽ ﺗﻮ ’’‘‘…… ﺗﯿﺮﯼ ﺗﻠﻮﺍﺭ ﮐﮯ ﻣﻘﺎﺑﻠﮯ ﻣﯿﮟ ﻣﯿﺮﯼ ﺑﺮﭼﮭﯽ ﺁﺋﮯ ﮔﯽ ﺍﮮ ﺑﺪ ﻗﺴﻤﺖ ﺍﺟﻨﺒﯽ ! ‘‘ ﺩﻭﺳﺮﮮ ﺳﻮﺍﺭ ﻧﮯ ﮐﮩﺎ۔ ’’ ﺍﮔﺮ ﺗﺠﮭﮯ ﺯﻧﺪﮔﯽ ﻋﺰﯾﺰﻧﮩﯿﮟ ﺗﻮ ﺁﺟﺎ۔ ‘‘ ﺍﺑﻦِ ﺍﺣﺪﯼ ﻧﮯ ﮔﮭﻮﮌﺍ ﺍﺱ ﮐﮯ ﺍﺭﺩﮔﺮﺩ ﺩﻭﮌﺍﯾﺎ ﺍﻭﺭ ﺍﺳﮯ ﻟﻠﮑﺎﺭﺍ۔ﺭﻭﻣﯽ ﺳﻮﺍﺭ ﮔﮭﻮﮌﮮ ﮐﻮ ﮐﭽﮫ ﺩﻭﺭ ﻟﮯ ﮔﯿﺎ ﺍﻭﺭ ﮔﮭﻮﮌﺍ ﻣﻮﮌ ﮐﺮ ﺍﯾﮍ ﻟﮕﺎﺋﯽ۔ ﺍﺱ ﻧﮯ ﺑﺮﭼﮭﯽ ﻧﯿﺰﮦ ﺑﺎﺯﯼ ﮐﮯ ﺍﻧﺪﺍﺯ ﺳﮯ ﺁﮔﮯ ﮐﺮ ﻟﯽ ﺗﮭﯽ۔ ﺍﺑﻦِ ﺍﺣﺪﯼ ﺍﺱ ﮐﯽ ﻃﺮﻑ ﻣﻨﮧ ﮐﺮﮐﮯ ﮐﮭﮍﺍ ﺭﮨﺎ۔ ﺭﻭﻣﯽ ﮐﯽ ﺭﻓﺘﺎﺭ ﺍﻭﺭ ﺗﯿﺰ ﮨﻮ ﮔﺌﯽ ﺟﺐ ﺍﺱ ﮐﯽ ﺑﺮﭼﮭﯽ ﮐﯽ ﺍﻧّﯽ ﺍﺑﻦِ ﺍﺣﺪﯼ ﮐﮯ ﺳﯿﻨﮯ ﺳﮯ ﺗﮭﻮﮌﯼ ﮨﯽ ﺩﻭﺭ ﺭﮦ ﮔﺌﯽ ﺗﻮ ﻭﮦ ﺍﺱ ﻗﺪﺭ ﭘﮭﺮﺗﯽ ﺳﮯ ﮔﮭﻮﮌﮮ ﮐﯽ ﺩﻭﺳﺮﯼ ﻃﺮﻑ ﺟﮭﮏ ﮔﯿﺎ ﺟﯿﺴﮯ ﻭﮦ ﮔﮭﻮﮌﮮ ﭘﺮ ﺗﮭﺎ ﮨﯽ ﻧﮩﯿﮟ۔ ﺭﻭﻣﯽ ﮐﯽ ﺑﺮﭼﮭﯽ ﮨﻮﺍ ﮐﻮ ﮐﺎﭨﺘﯽ ﺁﮔﮯ ﻧﮑﻞ ﮔﺌﯽ۔ ﺍﺑﻦِ ﺍﺣﺪﯼ ﮔﮭﻮﮌﮮ ﭘﺮ ﺳﯿﺪﮬﺎ ﮨﻮﺍ ﺍﻭﺭ ﺍﭘﻨﮯ ﮔﮭﻮﮌﮮ ﮐﯽ ﻟﮕﺎﻡ ﮐﻮ ﺟﮭﭩﮑﺎ ﺩﯾﺎ۔ ﺍﺱ ﮐﺎﮔﮭﻮﮌﺍ ﺩﻭﮌﺍ ﺍﻭﺭﻓﻮﺭﺍً ﮨﯽ ﻣﮍ ﮐﺮ ﺭﻭﻣﯽ ﮐﮯ ﭘﯿﭽﮭﮯ ﭼﻼ ﮔﯿﺎ۔ ﺭﻭﻣﯽ ﺍﭘﻨﺎ ﮔﮭﻮﮌﺍ ﻣﻮﮌ ﺭﮨﺎ ﺗﮭﺎ، ﮐﮧ ﺍﺑﻦِ ﺍﺣﺪﯼ ﺍﺱ ﺗﮏ ﺟﺎ ﭘﮩﻨﭽﺎ ﺍﻭﺭ ﺗﻠﻮﺍﺭ ﺳﮯ ﺍﺱ ﮐﯽ ﺑﺮﭼﮭﯽ ﺗﻮﮌ ﺩﯼ۔ ﺭﻭﻣﯽ ﻧﮯ ﮔﮭﻮﮌﺍ ﻣﻮﮌ ﮐﺮ ﺗﻠﻮﺍﺭ ﻧﮑﺎﻝ ﻟﯽ ﻟﯿﮑﻦ ﻭﮦ ﺍﺑﻦِ ﺍﺣﺪﯼ ﭘﺮ ﺻﺮﻑ ﺍﯾﮏ ﻭﺍﺭ ﮐﺮ ﺳﮑﺎ۔ ﺟﻮ ﺍﺑﻦِ ﺍﺣﺪﯼ ﻧﮯ ﺑﭽﺎ ﻟﯿﺎ ﺍﻭﺭ ﻓﻮﺭﺍً ﮨﯽ ﺍﺱ ﻣﺴﻠﻤﺎﻥ ﺷﮩﺴﻮﺍﺭ ﮐﯽ ﺗﻠﻮﺍﺭ ﺭﻭﻣﯽ ﺳﻮﺍﺭ ﮐﮯ ﭘﮩﻠﻮ ﻣﯿﮟ ﺍﺗﺮ ﮔﺌﯽ۔ ﻭﮦ ﺍﺱ ﭘﮩﻠﻮ ﮐﯽ ﻃﺮﻑ ﻟﮍﮬﮏ ﮔﯿﺎ۔ ﺍﺳﮯ ﮔﺮﺗﺎ ﺩﯾﮑﮫ ﮐﺮ ﺍﯾﮏ ﺭﻭﻣﯽ ﺳﻮﺍﺭ ﺍﺑﻦِ ﺍﺣﺪﯼ ﮐﮯ ﻣﻘﺎﺑﻠﮯ ﻣﯿﮟ ﺁﯾﺎ ﻭﮦ ﺁﺗﺎ ﻧﻈﺮ ﺁﯾﺎ ﺍﻭﺭ ﺗﻤﺎﺷﺎﺋﯿﻮﮞ ﻧﮯ ﺍﺳﮯ ﮔﮭﻮﮌﮮ ﺳﮯ ﮔﺮﺗﮯ ﺩﯾﮑﮭﺎ۔ ﺍﯾﮏ ﺍﻭﺭ ﺳﻮﺍﺭ ﻣﯿﺪﺍﻥ ﻣﯿﮟ ﺁﯾﺎ۔ ’’ ﺭُﮎ ﺟﺎﺅ ‘‘! ﮨﺮﻗﻞ ﮐﯽ ﮔﺮﺟﺪﺍﺭ ﺁﻭﺍﺯ ﺳﻨﺎﺋﯽ ﺩﯼ۔ ’’ ﺍِﺩﮬﺮ ﺁ ﺷﮩﺴﻮﺍﺭ۔ ‘‘ ﺍﺑﻦِ ﺍﺣﺪﯼ ﻧﮯ ﮔﮭﻮﮌﺍ ﮨﺮﻗﻞ ﮐﮯ ﺳﺎﻣﻨﮯ ﺟﺎ ﺭﻭﮐﺎ۔ ﮨﺮﻗﻞ ﺍﻭﻧﭽﯽ ﺟﮕﮧ ﺑﯿﭩﮭﺎ ﮨﻮﺍ ﺗﮭﺎ۔ ’’ ﮐﯿﺎ ﺗﺠﮭﮯ ﺑﺘﺎﯾﺎ ﻧﮩﯿﮟ ﮔﯿﺎ ﺗﮭﺎ ﮐﮧ ﯾﮧ ﻣﻘﺎﺑﻠﮯ ﮨﯿﮟ ﻟﮍﺍﺋﯽ ﻧﮩﯿﮟ۔ ‘‘ ﮨﺮﻗﻞ ﻧﮯ ﮐﮩﺎ۔ ’’ ﺗﻢ ﺍﻥ ﺩﻭﻧﻮﮞ ﮐﻮ ﺯﺧﻤﯽ ﮐﺮ ﺳﮑﺘﮯ ﺗﮭﮯ ﺟﺎﻥ ﺳﮯ ﻧﮩﯿﮟ ﻣﺎﺭﻧﺎ ﺗﮭﺎ۔ ﭘﮭﺮ ﺑﮭﯽ ﮨﻢ ﺗﻤﮩﺎﺭﯼ ﻗﺪﺭ ﮐﺮﺗﮯ ﮨﯿﮟ۔ ﮐﮩﺎﮞ ﺳﮯ ﺁﯾﺎ ﮨﮯ ﺗﻮ؟ ’’ ‘‘ ﻣﺖ ﭘﻮﭼﮫ ﺷﮩﻨﺸﺎﮦ ﮐﮩﺎﮞ ﺳﮯ ﺁﯾﺎ ﮨﻮﮞ۔ ‘‘ ﺍﺑﻦِ ﺍﺣﺪﯼ ﻧﮯ ﮐﮩﺎ۔ ’’ ﯾﮧ ﻣﯿﺮﮮ ﺩﺷﻤﻦ ﻧﮩﯿﮟ ﺗﮭﮯ ﻟﯿﮑﻦ ﻣﯿﺮﮮ ﮨﺎﺗﮫ ﻣﯿﮟ ﺟﺐ ﺗﻠﻮﺍﺭ ﮨﻮﺗﯽ ﮨﮯ ﺍﻭﺭ ﺟﺐ ﮐﻮﺋﯽ ﻣﺠﮭﮯ ﻣﻘﺎﺑﻠﮯ ﮐﯿﻠﺌﮯ ﻟﻠﮑﺎﺭﺗﺎ ﮨﮯ ﺗﻮ ﻣﺠﮭﮯ ﯾﻘﯿﻦ ﮨﻮ ﺟﺎﺗﺎ ﮨﮯ ﮐﮧ ﯾﮧ ﺷﺨﺺ ﻣﺴﻠﻤﺎﻥ ﮨﮯ ﻣﯿﮟ ﺟﺐ ﺍﺳﮯ ﻗﺘﻞ ﮐﺮ ﭼﮑﺘﺎ ﮨﻮﮞ ﺗﻮ ﻣﺠﮭﮯ ﯾﮧ ﺩﯾﮑﮫ ﮐﺮ ﺑﮩﺖ ﺍﻓﺴﻮﺱ ﮨﻮﺗﺎ ﮨﮯ ﮐﮧ ﯾﮧ ﻣﺴﻠﻤﺎﻥ ﻧﮩﯿﮟ ﺗﮭﺎ۔ ﻣﯿﺮﺍ ﺩﻣﺎﻍ ﻣﯿﺮﮮ ﻗﺎﺑﻮ ﻣﯿﮟ ﻧﮩﯿﮟ ﺭﮨﺘﺎ۔ﻣﯿﮟ ﻋﯿﺴﺎﺋﯽ ﻋﺮﺏ ﮨﻮﮞ ﺷﮩﻨﺸﺎﮦ۔ ﺑﮩﺖ ﺩﻭﺭ ﺳﮯ ﺁﯾﺎ ﮨﻮﮞ۔ ‘‘ ’’ ﮐﯿﺎ ﺗﯿﺮﮮ ﺩﻝ ﻣﯿﮟ ﻣﺴﻠﻤﺎﻧﻮﮞ ﮐﯽ ﺍﺗﻨﯽ ﺩﺷﻨﻤﯽ ﮨﮯ ﮐﮧ ﺗﻮ ﺍﻧﺪﮬﺎ ﮨﻮ ﺟﺎﺗﺎ ﮨﮯ۔ ‘‘ ﮨﺮﻗﻞ ﻧﮯ ﭘﻮﭼﮭﺎ۔ ’’ ﺍﺱ ﺳﮯ ﺑﮭﯽ ﺯﯾﺎﺩﮦ ﺟﺘﻨﯽ ﺷﮩﻨﺸﺎﮦ ﺳﻤﺠﮭﯿﮟ ﮔﮯ۔ ‘‘ ﺍﺑﻦِِ ﺍﺣﺪﯼ ﻧﮯ ﮐﮩﺎ۔ ’’ ﮐﯿﺎ ﺷﮩﻨﺸﺎﮦ ﻣﺠﮭﮯ ﺁﮔﮯ ﻧﮩﯿﮟ ﺑﮭﯿﺠﯿﮟ ﮔﮯ؟ ﻣﯿﮟ ﻣﺴﻠﻤﺎﻧﻮﮞ ﺳﮯ ﻟﮍﻧﮯ ﺁﯾﺎ ﮨﻮﮞ۔ ‘‘ ’’ ﮨﻢ ﺗﺠﮭﮯ ﺁﮔﮯ ﺑﮭﯿﺠﯿﮟ ﮔﮯ۔ ‘‘ ﮨﺮﻗﻞ ﻧﮯ ﮐﮩﺎ۔ ’’ ﺗﻮ ﻧﮯ ﺩﻭ ﺷﯿﺮﻭﮞ ﮐﻮ ﻣﺎﺭﺍ ﮨﮯ ﺍﻭﺭ ﺗﻮ ﻣﻌﻤﻮﻟﯽ ﺳﮯ ﺧﺎﻧﺪﺍﻥ ﮐﺎ ﻓﺮﺩ ﻧﮩﯿﮟ ﻟﮕﺘﺎ۔ ’’‘‘ ﺍﻣﯿﻦ ﺍﻻﻣﺖ ‘‘! ﺍﺑﻦِ ﺍﺣﺪﯼ ﻧﮯ ﺍﺑﻮ ﻋﺒﯿﺪﮦؓ ﺍﻭﺭ ﺧﺎﻟﺪؓﺳﮯ ﮐﮩﺎ۔ ’’ ﻣﯿﺮﺍ ﺧﯿﺎﻝ ﺗﮭﺎ ﮐﮧ ﻭﮦ ﻣﺠﮭﮯ ﺳﭙﺎﮨﯽ ﮐﯽ ﺣﯿﺜﯿﺖ ﻣﯿﮟ ﻓﻮﺝ ﻣﯿﮟ ﺭﮐﮫ ﻟﯿﮟ ﮔﮯ ﻟﯿﮑﻦ ﺍﻧﮩﻮﮞ ﻧﮯ ﻣﺠﮭﮯ ﺍﯾﮏ ﺳﻮ ﺳﭙﺎﮨﯿﻮﮞ ﮐﺎ ﮐﻤﺎﻧﺪﺍﺭ ﺑﻨﺎ ﺩﯾﺎ۔ ﺍﺱ ﻃﺮﺡ ﻣﯿﺮﯼ ﺭﺳﺎﺋﯽ ﺳﺎﻻﺭﻭﮞ ﺗﮏ ﮨﻮ ﮔﺌﯽ۔ ﻣﯿﺮﮮ ﺩﻭﺳﺮﮮ ﺳﺎﺗﮭﯽ ﺑﮭﯽ ﮐﺴﯽ ﻧﮧ ﮐﺴﯽ ﺍﯾﺴﯽ ﺟﮕﮧ ﭘﮩﻨﭻ ﮔﺌﮯ ﺟﮩﺎﮞ ﺳﮯ ﺍﻧﮩﯿﮟ ﻗﯿﻤﺘﯽ ﺧﺒﺮﯾﮟ ﻣﻞ ﺳﮑﺘﯽ ﮨﯿﮟ۔ ﮨﻢ ﺳﺐ ﻋﯿﺴﺎﺋﯽ ﻋﺮﺏ ﺑﻨﮯ ﺭﮨﮯ ﺍﻭﺭ ﺁﭘﺲ ﻣﯿﮟ ﻣﻠﺘﮯ ﺭﮨﮯ۔ ﮐﭽﮫ ﺑﺎﺗﯿﮟ ﻣﺠﮭﮯ ﺍﻧﮩﻮﮞ ﻧﮯ ﺑﺘﺎﺋﯽ ﮨﯿﮟ۔ ﺑﺎﻗﯽ ﺣﺎﻻﺕ ﻣﯿﮟ ﻧﮯ ﺧﻮﺩ ﺩﯾﮑﮭﮯ ﮨﯿﮟ۔ ’’ ‘‘ ﺣﻤﺺ ﭘﺮ ﺍﭘﻨﮯ ﺩﺳﺘﻮﮞ ﮐﯽ ﺍﻃﻼﻉ ﺍﻧﻄﺎﮐﯿﮧ ﭘﮩﻨﭽﯽ ﺗﻮ ﻣﯿﺮﮮ ﺳﺎﺗﮭﯽ ﻣﺠﮭﮯ ﻣﻠﮯ۔ ﮨﻤﯿﮟ ﻣﻌﻠﻮﻡ ﺗﮭﺎ ﮐﮧ ﺗﻢ ﺣﻤﺺ ﻣﯿﮟ ﺯﯾﺎﺩﮦ ﺩﻥ ﻧﮩﯿﮟ ﺭﮐﻮ ﮔﮯ ﺍﻭﺭ ﺍﻧﻄﺎﮐﯿﮧ ﮐﯽ ﻃﺮﻑ ﭘﯿﺸﻘﺪﻣﯽ ﮐﺮﻭ ﮔﮯ۔ ﮨﻢ ﺗﻤﮩﯿﮟ ﺣﻤﺺ ﻣﯿﮟ ﮨﯽ ﺭﻭﮐﻨﺎﭼﺎﮨﺘﮯ ﺗﮭﮯ، ﺗﻤﮩﯿﮟ ﺁﮔﮯ ﮐﮯ ﺧﻄﺮﮮ ﺳﮯ ﺧﺒﺮﺩﺍﺭ ﮐﺮﻧﺎ ﺿﺮﻭﺭﯼ ﺗﺎ۔ ﺍﻧﻄﺎﮐﯿﮧ ﮐﮯ ﺍﺭﺩﮔﺮﺩ ﮐﮯ ﻋﻼﻗﮯ ﻣﯿﮟ ﺍﭘﻨﮯ ﻟﺸﮑﺮ ﮐﯽ ﺗﺒﺎﮨﯽ ﮐﮯ ﺳﻮﺍ ﮐﭽﮫ ﻧﮧ ﺗﮭﺎ۔ ‘‘ ﺍﺑﻦِ ﺍﺣﺪﯼ ﻧﮯ ﺁﮔﮯ ﮐﮯ ﺟﻮ ﺣﺎﻻﺕ ﺑﺘﺎﺋﮯ ﻭﮦ ﺍﺱ ﻃﺮﺡ ﺗﮭﮯ ﮐﮧ ﮨﺮﻗﻞ ﻧﮯ ﺑﮩﺖ ﺑﮍﯼ ﻓﻮﺝ ﺗﯿﺎﺭ ﮐﺮﻧﮯ ﮐﯽ ﻣﮩﻢ ﺍﯾﺴﮯ ﻃﺮﯾﻘﮯ ﺳﮯ ﭼﻼﺋﯽ ﺗﮭﯽ ﮐﮧ ﻋﯿﺴﺎﺋﯿﻮﮞ ﮐﮯ ﺗﻤﺎﻡ ﻗﺒﯿﻠﮯ ﻣﺴﻠﻤﺎﻧﻮﮞ ﮐﮯ ﺧﻼﻑ ﻟﮍﻧﮯ ﮐﯿﻠﺌﮯ ﺍﭘﻨﮯ ﮔﮭﻮﮌﻭﮞ ﺍﻭﻧﭩﻮﮞ ﺍﻭﺭ ﮨﺘﮭﯿﺎﺭﻭﮞ ﮐﮯ ﺳﺎﺗﮫ ﺍﻧﻄﺎﮐﯿﮧ ﻣﯿﮟ ﺟﻤﻊ ﮨﻮ ﮔﺌﮯ ﺗﮭﮯ۔ﻣﺆﺭﺥ ﻟﮑﮭﺘﮯ ﮨﯿﮟ ﮐﮧ ﺍﻥ ﻗﺒﯿﻠﻮﮞ ﮐﮯ ﻋﻼﻭﮦ ﯾﻮﺭﭘﯽ ﻣﻠﮑﻮﮞ ﮐﮯ ﻟﻮﮒ ﺑﮭﯽ ﺁﮔﺌﮯ ﺗﮭﮯ۔ ﺭﻭﻡ، ﯾﻮﻧﺎﻥ، ﺍﻭﺭ ﺁﺭﻣﯿﻨﯿﮧ ﮐﮯ ﺭﮨﻨﮯ ﻭﺍﻟﮯ ﺑﮭﯽ ﺑﮩﺖ ﺑﮍﯼ ﺗﻌﺪﺍﺩ ﻣﯿﮟ ﺁﺋﮯ ﺗﮭﮯ۔ ﺍﻥ ﺳﺐ ﮐﻮ ﺍﺱ ﻓﻮﺝ ﮐﮯ ﺳﺎﺗﮫ ﻣﻼ ﮐﺮ ﺟﻮ ﭘﮩﻠﮯ ﻣﻮﺟﻮﺩ ﺗﮭﯽ ﮨﺮﻗﻞ ﮐﯽ ﻓﻮﺝ ﮐﯽ ﺗﻌﺪﺍﺩ ﮈﯾﮍﮪ ﻻﮐﮫ ﮨﻮ ﮔﺌﯽ ﺗﮭﯽ۔ ﺍﺗﻨﮯ ﺑﮍﮮ ﻟﺸﮑﺮ ﮐﻮ ﺗﯿﺲ ﺗﯿﺲ ﮨﺰﺍﺭ ﮐﮯ ﭘﺎﻧﭻ ﺣﺼﻮﮞ ﻣﯿﮟ ﺗﻘﺴﯿﻢ ﮐﺮ ﺩﯾﺎﮔﯿﺎﺗﮭﺎ۔ ﮨﺮ ﺣﺼﮯ ﮐﺎ ﺟﻮ ﺳﺎﻻﺭ ﻣﻘﺮﺭ ﮐﯿﺎ ﮔﯿﺎ ﺗﮭﺎ ﻭﮦ ﺗﺠﺮﺑﮯ ﮐﺎﺭ ﺍﻭﺭ ﻣﻨﺘﺨﺐ ﺗﮭﺎ۔ ﺍﻥ ﭘﺎﻧﭻ ﺳﺎﻻﺭﻭﮞ ﻣﯿﮟ ﺳﮯ ﺍﯾﮏ ﮐﺎ ﻧﺎﻡ ﻣﺎﮨﺎﻥ ﺗﮭﺎ۔ﺟﻮ ﺁﺭﻣﯿﻨﯿﮧ ﮐﺎ ﺑﺎﺩﺷﺎﮦ ﺍﻭﺭ ﺍﭘﻨﮯ ﻭﻗﺘﻮﮞ ﮐﺎ ﻣﺎﻧﺎ ﮨﻮﺍ ﺳﭙﮧ ﺳﺎﻻﺭ ﺗﮭﺎ، ﺩﻭﺳﺮﺍ ﻏﺴﺎﻥ ﮐﺎ ﺣﮑﻤﺮﺍﻥ ﺟﺒﻠﮧ ﺑﻦ ﺍﻻﯾﮩﻢ ﺗﮭﺎ۔ ﺟﻮ ﺍﭘﻨﯽ ﻓﻮﺝ ﺳﺎﺗﮫ ﻻﯾﺎ ﺗﮭﺎ ﺍﻭﺭ ﺍﺳﯽ ﮐﺎﻭﮦ ﺳﺎﻻﺭ ﺗﮭﺎ۔ ﺗﯿﺴﺮﺍ ﺭﻭﺱ ﮐﺎ ﺍﯾﮏ ﺷﮩﺰﺍﺩﮦ ﻗﻨﺎﻃﯿﺮ ﺗﮭﺎ۔ ﭼﻮﺗﮭﮯ ﮐﺎ ﻧﺎﻡ ﮔﺮﯾﮕﺮﯼ ﺍﻭﺭ ﭘﺎﻧﭽﻮﯾﮟ ﮐﺎ ﺩﯾﺮﺟﺎﻥ ﺗﮭﺎ ۔ ﯾﮧ ﺳﺐ ﻋﯿﺴﺎﺋﯽ ﺗﮭﮯ، ﺍﻭﺭ ﺍﻧﮩﻮﮞ ﻧﮯ ﺍﺳﮯ ﺻﻠﯿﺐ ﺍﻭﺭ ﮨﻼﻝ ﮐﯽ ﺟﻨﮓ ﺑﻨﺎ ﺩﯾﺎ ﺗﮭﺎ۔ ﮈﯾﮍﮪ ﻻﮐﮫ ﮐﮯ ﺍﺱ ﻟﺸﮑﺮ ﮐﺎ ﺳﺎﻻﺭِ ﺍﻋﻠﯽٰ ﻣﺎﮨﺎﻥ ﺗﮭﺎ۔ ﮨﺮﻗﻞ ﻧﮯ ﺍﺱ ﻟﺸﮑﺮ ﮐﻮ ﺍﭘﻨﮯ ﺑﮩﺘﺮ ﮨﺘﮭﯿﺎﺭﻭﮞ ﺳﮯ ﻣﺴﻠﺢ ﮐﺮ ﺩﯾﺎ ﺍﻭﺭ ﺟﺐ ﯾﮧ ﺗﯿﺎﺭ ﮨﻮ ﮐﺮ ﭘﺎﻧﭻ ﺣﺼﻮﮞ ﻣﯿﮟ ﺗﻘﺴﯿﻢ ﮨﻮ ﮔﯿﺎ ﺗﻮ ﮨﺮﻗﻞ ﻧﮯ ﺍﺗﻨﮯ ﺑﮍﮮ ﻟﺸﮑﺮ ﮐﻮ ﺍﮐﭩﮭﺎ ﮐﯿﺎ۔ ’’ ﺻﻠﯿﺐ ﮐﮯ ﭘﺎﺳﺒﺎﻧﻮ ‘‘ ! ﮨﺮﻗﻞ ﻧﮯ ﺑﻠﻨﺪ ﺟﮕﮧ ﮐﮭﮍﮮ ﮨﻮ ﮐﺮ ﮔﻼ ﭘﮭﺎﮌ ﭘﮭﺎﮌ ﮐﺮ ﮐﮩﺎ۔ ’’ ﺗﻢ ﺟﺲ ﺟﻨﮓ ﮐﯿﻠﺌﮯ ﺍﮐﭩﮭﮯ ﮨﻮﺋﮯ ﮨﻮ ﯾﮧ ﮐﺴﯽ ﻣﻠﮏ ﮐﻮ ﻓﺘﺢ ﮐﺮﻧﮯ ﮐﯿﻠﺌﮯ ﻧﮩﯿﮟ ﻟﮍﯼ ﺟﺎﺋﮯ ﮔﯽ۔ ﯾﮧ ﺗﻤﮩﺎﺭﮮ ﻣﺬﮨﺐ ﺍﻭﺭ ﺗﻤﮩﺎﺭﯼ ﻋﺰﺕ ﮐﯽ ﺟﻨﮓ ﮨﮯ۔ ﺍﯾﮏ ﻧﯿﺎ ﻣﺬﮨﺐ ﮨﻤﺎﺭﮮ ﻣﺬﮨﺐ ﮐﮯ ﺧﻼﻑ ﺍﭨﮭﺎ ﮨﮯ ﮨﻤﺎﺭﺍ ﯾﮧ ﻓﺮﺽ ﮨﻮ ﮐﮧ ﺍﺱ ﻣﺬﮨﺐ ﮐﻮ ﺟﻮ ﺩﺭﺍﺻﻞ ﮐﻮﺋﯽ ﻣﺬﮨﺐ ﻧﮩﯿﮟ ﺧﺘﻢ ﮐﺮﺩﯾﮟ۔ﻣﺴﻠﻤﺎﻧﻮﮞ ﮐﯽ ﻓﻮﺝ ﭼﺎﻟﯿﺲ ﮨﺰﺍﺭ ﺳﮯ ﺯﯾﺎﺩﮦ ﻧﮩﯿﮟ، ﺗﻢ ﺍﻥ ﮐﯽ ﮨﮉﯾﺎﮞ ﺑﮭﯽ ﭘﯿﺲ ﮈﺍﻟﻮ ﮔﮯ ﮨﻤﯿﮟ ﺑﺘﺎﯾﺎ ﮔﯿﺎ ﮨﮯ ﮐﮧ ﮨﻤﺎﺭﯼ ﻓﻮﺝ ﻣﯿﮟ ﻣﺴﻠﻤﺎﻧﻮﮞ ﮐﯽ ﺩﮨﺸﺖ ﭘﮭﯿﻞ ﮔﺌﯽ ﮨﮯ۔ ﯾﮧ ﺳﺐ ﺳﻨﯽ ﺳﻨﺎﺋﯽ ﺑﺎﺗﯿﮟ ﮨﯿﮟ۔ ﻣﺴﻠﻤﺎﻧﻮﮞ ﻧﮯ ﺟﮩﺎﮞ ﺑﮭﯽ ﮨﻤﺎﺭﯼ ﻓﻮﺝ ﭘﺮﺣﻤﻠﮧ ﮐﯿﺎ ﮨﮯ ﭼﻮﺭﻭﮞ ﮐﯽ ﻃﺮﺡ ﮐﯿﺎ ﮨﮯ ﺍﻭﺭ ﻭﮨﺎﮞ ﮨﻤﺎﺭﯼ ﻧﻔﺮﯼ ﺗﮭﻮﮌﯼ ﺗﮭﯽ ﻭﮦ ﮐﻮﺋﯽ ﺟﻦ ﺑﮭﻮﺕ ﻧﮩﯿﮟ ﺗﻤﮩﺎﺭﯼ ﻃﺮﺡ ﮐﮯ ﺍﻧﺴﺎﻥ ﮨﯿﮟ۔ ﻭﮦ ﻟﭩﯿﺮﮮ ﮨﯿﮟ ﺟﻮ ﺗﻤﮩﺎﺭﮮ ﮔﮭﺮﻭﮞ ﻣﯿﮟ ﮔﮭﺲ ﺁﺋﮯ ﮨﯿﮟ ﻟﯿﮑﻦ ﻭﮦ ﺻﺮﻑ ﺗﻤﮩﺎﺭﺍ ﻣﺎﻝ ﻭ ﺍﻣﻮﺍﻝ ﻧﮩﯿﮟ ﻟﻮﭨﺘﮯ ﻭﮦ ﺗﻤﮩﺎﺭﺍ ﻣﺬﮨﺐ ﺍﻭﺭ ﺗﻤﮩﺎﺭﯼ ﻋﺰﺕ ﻟﻮﭨﻨﮯ ﺁﺋﮯ ﮨﯿﮟ۔ ‘‘ ﻣﺆﺭﺥ ﻭﺍﻗﺪﯼ ﺑﻼﺫﺭﯼ ﺍﻭﺭ ﮨﻨﺮﯼ ﺳﻤﺘﮫ ﻟﮑﮭﺘﮯ ﮨﯿﮟ ﮐﮧ ﮨﺮﻗﻞ ﻧﮯ ﭘﮩﻠﮯ ﮨﯽ ﺍﻥ ﻟﻮﮔﻮﮞ ﮐﻮﺑﮭﮍﮐﺎ ﮐﺮ ﺍﭘﻨﮯ ﻟﺸﮑﺮ ﻣﯿﮟ ﺷﺎﻣﻞ ﮐﯿﺎ ﺗﮭﺎ ﺍﺏ ﺍﻧﮩﯿﮟ ﺍﻭﺭ ﺯﯾﺎﺩﮦ ﺑﮭﮍﮐﺎ ﺩﯾﺎ، ﺍﺑﻦِ ﺍﺣﺪﯼ ﻧﮯ ﺍﺑﻮ ﻋﺒﯿﺪﮦؓ ﺍﻭﺭ ﺧﺎﻟﺪؓ ﮐﻮ ﺑﺘﺎﯾﺎ ﮐﮧ ﮨﺮﻗﻞ ﻧﮯ ﺩﻭﺳﺮﺍ ﺍﺟﺘﻤﺎﻉ ﺳﺎﻻﺭﻭﮞ ﻧﺎﺋﺐ ﺳﺎﻻﺭﻭﮞ ﺍﻭﺭ ﮐﻤﺎﻧﺪﺍﺭﻭﮞ ﮐﺎ ﮐﯿﺎ۔ ﭘﮩﻠﮯ ﺍﻧﮩﯿﮟ ﺑﮭﯽ ﺑﮭﮍﮐﺎﯾﺎ۔ ﭘﮭﺮ ﺍﻧﮩﯿﮟ ﺍﺣﮑﺎﻡ ﺩﯾﺌﮯ، ﺍﻭﺭ ﮨﺪﺍﯾﺎﺕ ﺩﯾﮟ ﺍﻥ ﮐﮯ ﻣﻄﺎﺑﻖ ﮨﺮ ﺳﺎﻻﺭ ﮐﯽ ﭘﯿﺶ ﻗﺪﻣﯽ ﺍﻭﺭ ﺍﺱ ﮐﮯ ﮨﺪﻑ ﮐﺎ ﺗﻌﯿﻦ ﮐﯿﺎ ﮔﯿﺎ ﺗﮭﺎ۔ ﯾﮧ ﺍﯾﮏ ﺩﮨﺸﺖ ﻧﺎﮎ ﻣﻨﺼﻮﺑﮧ ﺗﮭﺎ ﺟﻮ ﺍﺗﻨﮯ ﺑﮍﮮ ﻟﺸﮑﺮ ﺳﮯ ﺁﺳﺎﻧﯽ ﺳﮯ ﮐﺎﻣﯿﺎﺏ ﮨﻮ ﺳﮑﺘﺎ ﺗﮭﺎ۔ ﮨﺪﻑ ﺣﻤﺺ ﺗﮭﺎ ﺍﻭﺭ ﺩﻭﺳﺮﺍ ﺩﻣﺸﻖ۔ ﺍﺱ ﮐﮯ ﺳﺎﺗﮫ ﮨﯽ ﻣﺴﻠﻤﺎﻧﻮﮞ ﮐﯽ ﺗﻤﺎﻡ ﺗﺮ ﻓﻮﺝ ﮐﻮ ﺟﺲ ﮐﯽ ﻧﻔﺮﯼ ﺗﻘﺮﯾﺒﺎً ﭼﺎﻟﯿﺲ ﮨﺰﺍﺭ ﺗﮭﯽ ﮔﮭﯿﺮﮮ ﻣﯿﮟ ﻟﮯ ﮐﺮ ﺧﺘﻢ ﮐﺮﻧﺎ ﺗﮭﺎ۔ ﮨﺮﻗﻞ ﻧﮯ ﮔﮭﯿﺮﺍ ﮈﺍﻟﻨﮯ ﮐﺎ ﺑﮍﺍ ﺍﭼﮭﺎ ﻣﻨﺼﻮﺑﮧ ﺗﯿﺎﺭ ﮐﯿﺎ ﺗﮭﺎ ﺍﺱ ﮐﮯ ﺳﺎﻻﺭ ﻗﻨﺎﻃﯿﺮ ﮐﻮ ﺍﭘﻨﮯ ﺗﯿﺲ ﮨﺰﺍﺭ ﻟﺸﮑﺮ ﮐﮯ ﺳﺎﺗﮫ ﺍﻧﻄﺎﮐﯿﮧ ﺳﮯ ﺳﻤﻨﺪﺭ ﮐﮯ ﺳﺎﺗﮫ ﺳﺎﺗﮫ ﺑﯿﺮﻭﺕ ﺗﮏ ﭘﮩﻨﭽﻨﺎ ﺍﻭﺭ ﻭﮨﺎﮞ ﺳﮯ ﺩﻣﺸﻖ ﮐﯽ ﻃﺮﻑ ﻣﮍ ﺟﺎﻧﺎ ﺗﮭﺎ۔ ﺍﺱ ﮐﺎ ﮐﺎﻡ ﯾﮧ ﺗﮭﺎ ﮐﮧ ﻣﺴﻠﻤﺎﻥ ﺁﮔﮯ ﺳﮯ ﭘﺴﭙﺎ ﮨﻮ ﮐﺮ ﺩﻣﺸﻖ ﮐﯽ ﻃﺮﻑ ﺁﺋﯿﮟ ﺗﻮ ﻗﻨﺎﻃﯿﺮ ﮐﺎ ﻟﺸﮑﺮ ﺍﻥ ﭘﺮ ﺣﻤﻠﮧ ﮐﺮﺩﮮ۔ ﺟﺒﻠﮧ ﺑﻦ ﺍﻻﯾﮩﻢ ﻧﮯ ﺣﻤﺺ ﮐﯽ ﻃﺮﻑ ﺟﺎﮐﺮ ﻣﺴﻠﻤﺎﻧﻮﮞ ﮐﯽ ﭘﯿﺶ ﻗﺪﻣﯽ ﮐﻮ ﺭﻭﮐﻨﺎ ﺍﻭﺭ ﺍﻧﮩﯿﮟ ﺧﺘﻢ ﮐﺮﻧﺎ ﺗﮭﺎ۔ ﻣﺆﺭﺧﻮﮞ ﻧﮯ ﻟﮑﮭﺎﮨﮯ ﮐﮧ ﺣﻤﺺ ﭘﺮ ﺣﻤﻠﮧ ﮐﺮﻧﮯ ﻭﺍﻟﮯ ﻟﺸﮑﺮ ﻣﯿﮟ ﺻﺮﻑ ﻋﺮﺏ ﻋﯿﺴﺎﺋﯽ ﺗﮭﮯ ﺟﻦ ﮐﯽ ﺗﻌﺪﺍﺩ ﺗﯿﺲ ﮨﺰﺍﺭ ﺗﮭﯽ۔ ﮨﺮﻗﻞ ﻧﮯ ﮐﮩﺎ ﺗﮭﺎ ﮐﮧ ﻭﮦ ﻋﺮﺑﻮﮞ ﮐﮯ ﺧﻼﻑ ﻋﺮﺑﻮﮞ ﮐﻮ ﻟﮍﺍﻧﺎ ﭼﺎﮨﺘﺎ ﮨﮯ۔ ’’ ﻟﻮﮨﮯ ﮐﻮ ﻟﻮﮨﺎ ﮨﯽ ﮐﺎﭦ ﺳﮑﺘﺎ ﮨﮯ۔ ‘‘ ﯾﮧ ﮨﺮﻗﻞ ﮐﮯ ﺗﺎﺭﯾﺨﯽ ﺍﻟﻔﺎﻅ ﮨﯿﮟ۔ﺣﻤﺺ ﮐﮯ ﻋﻼﻗﮯ ﻣﯿﮟ ﮨﺮﻗﻞ ﮐﮯ ﺍﯾﮏ ﺍﻭﺭ ﺳﺎﻻﺭ ﺩﯾﺮﺟﺎﻥ ﻧﮯ ﺑﮭﯽ ﺟﺎﻧﺎ ﺗﮭﺎ۔ ﺍﺱ ﻧﮯ ﺟﺒﻠﮧ ﺳﮯ ﺍﻟﭩﯽ ﺳﻤﺖ ﺳﮯ ﭘﯿﺶ ﻗﺪﻣﯽ ﮐﺮﻧﯽ ﺗﮭﯽ ﺗﺎﮐﮧ ﻣﺴﻠﻤﺎﻥ ﮐﺴﯽ ﻃﺮﻑ ﺳﮯ ﺑﮭﯽ ﻧﮧ ﻧﮑﻞ ﺳﮑﯿﮟ۔ ﺳﺎﻻﺭ ﮔﺮﯾﮕﺮﯼ ﮐﻮ ﺍﯾﮏ ﺍﻭﺭ ﺳﻤﺖ ﺳﮯ ﺣﻤﺺ ﮐﮯ ﻋﻼﻗﮯ ﻣﯿﮟ ﭘﮩﻨﭽﻨﺎ ﺍﻭﺭ ﻣﺴﻠﻤﺎﻧﻮﮞ ﭘﺮ ﺣﻤﻠﮧ ﮐﺮﻧﺎ ﺗﮭﺎ ﺍﺱ ﻃﺮﺡ ﺻﺮﻑ ﺣﻤﺺ ﺍﻭﺭ ﮔﺮﺩﻭﻧﻮﺍﺡ ﮐﮯ ﻋﻼﻗﮯ ﻣﯿﮟ ﻣﺴﻠﻤﺎﻧﻮﮞ ﭘﺮ ﺣﻤﻠﮧ ﮐﺮﻧﮯ ﻭﺍﻟﯽ ﺭﻭﻣﯽ ﻓﻮﺝ ﮐﯽ ﺗﻌﺪﺍﺩ ﻧﻮﮮ ﮨﺰﺍﺭ ﺗﮭﯽ۔ ﻣﺎﮨﺎﻥ ﺟﻮ ﺳﺎﻻﺭِ ﺍﻋﻠﯽٰ ﺗﮭﺎ ﺍﺳﮯ ﺍﭘﻨﺎ ﺗﯿﺲ ﮨﺰﺍﺭ ﮐﺎ ﻟﺸﮑﺮ ﮐﮩﯿﮟ ﻗﺮﯾﺐ ﺭﮐﮭﻨﺎ ﺗﮭﺎ ﺗﺎﮐﮧ ﺟﮩﺎﮞ ﮐﮩﯿﮟ ﺍﺱ ﮐﯽ ﺿﺮﻭﺭﺕ ﭘﮍﮮ ﻭﮦ ﭘﮩﻨﭽﮯ۔ ’’ ﺗﺠﮫ ﭘﺮﺍﷲﮐﯽ ﺳﻼﻣﺘﯽ ﮨﻮ ﺍﺑﻦِ ﺍﺣﺪﯼ ‘‘! ﺍﺑﻮ ﻋﺒﯿﺪﮦؓ ﻧﮯ ﮨﺮﻗﻞ ﮐﺎ ﺗﻤﺎﻡ ﺗﺮ ﻣﻨﺼﻮﺑﮧ ﺳﻦ ﮐﺮ ﮐﮩﺎ۔ ’’ ﺧﺪﺍ ﮐﯽ ﻗﺴﻢ ! ﺗﻮ ﻧﮯ ﺍﭘﻨﺎ ﮔﮭﺮ ﺟﻨﺖ ﻣﯿﮟ ﺑﻨﺎ ﻟﯿﺎ ﮨﮯ۔ ﺍﮔﺮ ﺗﻮ ﯾﮧ ﺧﺒﺮﯾﮟ ﻟﮯ ﮐﺮ ﻧﮧ ﺁﺗﺎ ﺗﻮ ﺧﻮﺩ ﺳﻮﭺ ﮐﮧ ﮨﻤﺎﺭﺍ ﮐﯿﺎ ﺍﻧﺠﺎﻡ ﮨﻮﺗﺎ …… ﺍﺑﻮ ﺳﻠﯿﻤﺎﻥ ‘‘ ……! ﺍﺑﻮ ﻋﺒﯿﺪﮦؓ ﻧﮯ ﺧﺎﻟﺪؓ ﺳﮯ ﮐﮩﺎ۔ ’’ ﮐﯿﺎ ﺗﻮ ﻧﮯ ﯾﮧ ﻣﺤﺴﻮﺱ ﻧﮩﯿﮟ ﮐﯿﺎ ﮐﮧ ﮨﻢ ﺍﺗﻨﮯ ﺑﮍﮮ ﻟﺸﮑﺮ ﮐﺎ ﻣﻘﺎﺑﻠﮧ ﮐﺮﻧﮯ ﮐﮯ ﻗﺎﺑﻞ ﻧﮩﯿﮟ؟ ‘‘ ﺧﺎﻟﺪؓ ﺟﻮ ﻣﯿﺪﺍﻥِ ﺟﻨﮓ ﻣﯿﮟ ﺩﺷﻤﻦ ﮐﮯ ﺍﻋﺼﺎﺏ ﭘﺮ ﭼﮭﺎﺟﺎﯾﺎ ﮐﺮﺗﮯ ﺗﮭﮯ، ﭼﭗ ﭼﺎﭖ ﺍﺑﻮ ﻋﺒﯿﺪﮦؓ ﮐﻮ ﺩﯾﮑﮫ ﺭﮨﮯ ﺗﮭﮯ۔ ’’ ﮐﯿﺎ ﮨﻤﯿﮟ ﭘﯿﭽﮭﮯ ﻧﮩﯿﮟ ﮨﭧ ﺟﺎﻧﺎ ﭼﺎﮨﯿﮯ ﺍﺑﻮ ﺳﻠﯿﻤﺎﻥ ‘‘! ﺍﺑﻮ ﻋﺒﯿﺪﮦؓ ﻧﮯ ﭘﻮﭼﮭﺎ۔ ’’ ﺍﻣﯿﻦ ﺍﻻﻣﺖ ! ‘‘ ﺧﺎﻟﺪؓﻧﮯ ﺁﮦ ﺑﮭﺮ ﮐﺮ ﮐﮩﺎ۔ ’’ ﭘﯿﭽﮭﮯ ﮨﭩﻨﺎ ﺍﯾﮏ ﺿﺮﻭﺭﺕ ﮨﮯ ﻟﯿﮑﻦ ﭘﯿﭽﮭﮯ ﮨﭩﻨﺎ ﻣﯿﺮﯼ ﻓﻄﺮﺕ ﻧﮩﯿﮟ۔ ’’‘‘ ﺧﺪ ﺍﮐﯽ ﻗﺴﻢ ﺍﺑﻮ ﺳﻠﯿﻤﺎﻥ ! ﺟﻮ ﺗﻮ ﺳﻮﭺ ﺳﮑﺘﺎ ﮨﮯ ﻭﮦ ﺷﺎﯾﺪ ﻣﯿﮟ ﻧﮧ ﺳﻮﭺ ﺳﮑﻮﮞ۔ ‘‘ ﺍﺑﻮ ﻋﺒﯿﺪﮦؓ ﻧﮯ ﮐﮩﺎ۔ ’’ ﺍﺱ ﻭﻗﺖ ﺍﭘﻨﯽ ﺫﺍﺕ ﮐﻮ ﻧﮧ ﺩﯾﮑﮫ۔ ﺍﭘﻨﮯ ﺳﺎﺗﮭﯿﻮﮞ ﮐﻮ ﺍﻭﺭ ﺍﻥ ﮐﮯ ﺍﻧﺠﺎﻡ ﮐﻮ ﺩﯾﮑﮫ ﺍﻭﺭ ﺑﺘﺎ ﮨﻢ ﮐﯿﺎ ﮐﺮﯾﮟ۔ ’’‘‘ ﮨﺎﮞ ﺍﺑﻦِ ﻋﺒﺪﺍﷲ ‘‘! ﺧﺎﻟﺪؓ ﻧﮯ ﺍﺑﻮ ﻋﺒﯿﺪﮦؓ ﮐﻮ ﺩﻭﺳﺮﮮ ﻧﺎﻡ ﺳﮯ ﭘﮑﺎﺭﺗﮯ ﮨﻮﺋﮯ ﮐﮩﺎ۔ ’’ ﻣﯿﮟ ﺍﺱ ﺣﻘﯿﻘﺖ ﮐﻮ ﺩﯾﮑﮫ ﮐﺮ ﺑﺎﺕ ﮐﺮﻭﮞ ﮔﺎ ﺟﻮ ﮨﻤﺎﺭﮮ ﺳﺎﻣﻨﮯ ﮨﮯ، ﺍﻭﺭ ﯾﮧ ﻃﻮﻓﺎﻥ ﺟﻮ ﺁﺭﮨﺎ ﮨﮯ، ﺍﺳﮯ ﺭﻭﮐﻨﺎ ﮨﻤﺎﺭﮮ ﺑﺲ ﮐﯽ ﺑﺎﺕ ﻧﮩﯿﮟ ﻟﯿﮑﻦ ﮨﻤﯿﮟ ﺍﺱ ﺍﷲﮐﻮ ﺑﮭﯽ ﻣﻨﮧ ﺩﮐﮭﺎﻧﺎ ﮨﮯ ﺟﺲ ﮐﮯ ﻧﺎﻡ ﭘﺮ ﮨﻢ ﯾﮩﺎﮞ ﺗﮏ ﺍﭘﻨﺎ ﺍﻭﺭ ﺍﭘﻨﮯ ﺩﺷﻤﻦ ﮐﺎ ﺧﻮﻥ ﺑﮩﺎﺗﮯ ﭘﮩﻨﭽﮯ ﮨﯿﮟ۔ ﮨﻤﺎﺭﯼ ﺟﺎﻧﯿﮟ ﺍﺳﯽ ﮐﯽ ﺍﻣﺎﻧﺖ ﮨﯿﮟ …… ﭘﮩﻼ ﮐﺎﻡ ﯾﮧ ﮐﺮ ﮐﮧ ﺍﭘﻨﮯ ﺗﻤﺎﻡ ﺳﺎﻻﺭﻭﮞ ﮐﻮ ﺟﮩﺎﮞ ﺟﮩﺎﮞ ﻭﮦ ﮨﯿﮟ، ﺩﺳﺘﻮﮞ ﺳﻤﯿﺖ ﺍﯾﮏ ﺟﮕﮧ ﺍﮐﭩﮭﺎﮐﺮﻟﮯ۔ ’’‘‘ ﺍﻭﺭ ﺍﻥ ﺟﮕﮩﻮﮞ ﮐﺎ ﮐﯿﺎ ﺑﻨﮯ ﮔﺎ ﺟﻮ ﮨﻤﺎﺭﮮ ﻗﺒﻀﮯ ﻣﯿﮟ ﮨﯿﮟ؟ ‘‘ ﺍﺑﻮ ﻋﺒﯿﺪﮦؓ ﻧﮯ ﭘﻮﭼﮭﺎ۔ ’’ ﺍﻣﯿﻦ ﺍﻻﻣﺖ ‘‘! ﺧﺎﻟﺪؓﻧﮯ ﮐﮩﺎ۔ ’’ ﺗﻮ ﯾﻘﯿﻨﺎً ﺩﺷﻤﻦ ﮐﮯ ﺍﺭﺍﺩﮮ ﮐﻮﺳﻤﺠﮭﺘﺎ ﮨﮯ، ﻭﮦ ﻓﯿﺼﻠﮧ ﮐﻦ ﺟﻨﮓ ﻟﮍﻧﮯ ﺁﺭﮨﺎ ﮨﮯ، ﺍﻭﺭ ﮨﺮ ﻃﺮﻑ ﺳﮯ ﺁﺭﮨﺎ ﮨﮯ …… ﺁﮔﮯ ﺳﮯ، ﭘﯿﭽﮭﮯ ﺳﮯ، ﺩﺍﺋﯿﮟ ﺳﮯ، ﺑﺎﺋﯿﮟ ﺳﮯ …… ﺍﻭﺭ ﺗﻮ ﻧﮯ ﺍﺑﻦ ﺍﺣﺪﯼ ﺳﮯ ﺳﻦ ﻟﯿﺎ ﮨﮯ ﮐﮧ ﮨﺮﻗﻞ ﻧﮯ ﮨﻤﺎﺭﯼ ﭘﺴﭙﺎﺋﯽ ﮐﮯ ﺭﺍﺳﺘﮯ ﺭﻭﮐﻨﮯ ﮐﺎﺑﮭﯽ ﺍﻧﺘﻈﺎﻡ ﮐﺮ ﺩﯾﺎ ﮨﮯ …… ﺍﺑﻦِ ﻋﺒﺪﺍﷲ ! ﮨﺮﻗﻞ ﮨﻤﺎﺭﮮ ﺩﺳﺘﻮﮞ ﮐﻮ ﻭﮨﯿﮟ ﮔﮭﯿﺮﮮ ﻣﯿﮟ ﻟﯿﻨﺎ ﭼﺎﮨﺘﺎ ﮨﮯ ﺟﮩﺎﮞ ﺟﮩﺎﮞ ﻭﮦ ﮨﯿﮟ۔ ﯾﮧ ﺗﻮ ﺍﷲﮐﺎ ﺍﺣﺴﺎﻥِ ﻋﻈﯿﻢ ﮨﮯ ﮐﮧ ﮨﻤﯿﮟ ﭘﮩﻠﮯ ﺳﮯ ﮨﯽ ﺍﺱ ﮐﮯ ﻣﻨﺼﻮﺑﻮﮞ ﮐﺎ ﻋﻠﻢ ﮨﻮ ﮔﯿﺎ ﮨﮯ۔ ’’‘‘ ﮐﯿﺎ ﺍﺱ ﺳﮯ ﯾﮧ ﻇﺎﮨﺮ ﻧﮩﯿﮟ ﮨﻮﺗﺎ ﮐﮧ ﺍﷲ ﺗﺒﺎﺭﮎ ﻭ ﺗﻌﺎﻟﯽٰ ﮐﻮ ﮨﻤﺎﺭﯼ ﺷﮑﺴﺖ ﻣﻨﻈﻮﺭ ﻧﮩﯿﮟ؟ ‘‘ ﺍﺑﻮ ﻋﺒﯿﺪﮦؓ ﻧﮯ ﮐﮩﺎ۔ ’’ ﺍﷲﮨﻤﺎﺭﮮ ﺳﺎﺗﮫ ﮨﮯ ﺍﻣﯿﻦ ﺍﻻﻣﺖ ‘‘! ﺧﺎﻟﺪؓ ﻧﮯ ﮐﮩﺎ۔ ’’ ﻟﯿﮑﻦ ﺍﷲ ﺍﻥ ﮐﯽ ﻣﺪﺩ ﻧﮩﯿﮟ ﮐﯿﺎ ﮐﺮﺗﺎ ﺟﻮ ﺍﭘﻨﮯ ﺁﭖ ﮐﻮ ﺩﺷﻤﻦ ﺍﻭﺭ ﺣﺎﻻﺕ ﮐﮯ ﺭﺣﻢ ﻭ ﮐﺮﻡ ﭘﺮ ﭘﮭﯿﻨﮏ ﺩﯾﺘﮯ ﮨﯿﮟ ……ﮨﺮﻗﻞ ﮨﻤﯿﮟ ﺑﮑﮭﺮﺍ ﮨﻮﺍ ﺭﮐﮭﻨﺎﭼﺎﮨﺘﺎ ﮨﮯ۔ ﺗﻤﺎﻡ ﺳﺎﻻﺭﻭﮞ ﮐﻮ ﻭﮦ ﺗﻤﺎﻡ ﺟﮕﮩﯿﮟ ﭼﮭﻮﮌﻧﯽ ﭘﮍﯾﮟ ﮔﯽ ﺟﻮ ﮨﻤﺎﺭﮮ ﻗﺒﻀﮯ ﻣﯿﮟ ﮨﯿﮟ۔ ﺍﮔﺮ ﺍﷲ ﻧﮯ ﮨﻤﯿﮟ ﻓﺘﺢ ﻋﻄﺎ ﮐﯽ ﺗﻮ ﯾﮧ ﺳﺐ ﺟﮕﮩﯿﮟ ﮨﻤﺎﺭﯼ ﮨﻮﮞ ﮔﯽ۔ ’’‘‘ ﮨﻤﯿﮟ ﮐﮩﺎﮞ ﺍﮐﭩﮭﮯ ﮨﻮﻧﺎ ﭼﺎﮨﯿﮯ؟ ‘‘ ﺍﺑﻮ ﻋﺒﯿﺪﮦؓ ﻧﮯ ﭘﻮﭼﮭﺎ۔ ’’ ﺟﮩﺎﮞ ﺻﺤﺮﺍ ﮨﻤﺎﺭﮮ ﻋﻘﺐ ﻣﯿﮟ ﮨﻮ۔ ‘‘ ﺧﺎﻟﺪؓ ﻧﮯ ﺟﻮﺍﺏ ﺩﯾﺎ۔ ’’ ﺟﺘﻨﯽ ﺁﺳﺎﻧﯽ ﺍﻭﺭ ﺗﯿﺰﯼ ﺳﮯ ﮨﻢ ﺻﺤﺮﺍ ﻣﯿﮟ ﺣﺮﮐﺖ ﮐﺮ ﺳﮑﺘﮯ ﮨﯿﮟ ﺍﺗﻨﯽ ﺗﯿﺰﯼ ﺳﮯ ﺍﻥ ﻋﻼﻗﻮﮞ ﻣﯿﮟ ﻧﮩﯿﮟ ﮐﺮ ﺳﮑﺘﮯ ﺟﮩﺎﮞ ﮨﻢ ﺍﺱ ﻭﻗﺖ ﻣﻮﺟﻮﺩ ﮨﯿﮟ۔ ﺻﺤﺮﺍ ﻣﯿﮟ ﮨﻤﺎﺭﺍ ﺩﺷﻤﻦ ﻧﮩﯿﮟ ﻟﮍ ﺳﮑﺘﺎ۔ ﮨﻢ ﺻﺤﺮﺍ ﮐﻮ ﺍﭘﻨﮯ ﻗﺮﯾﺐ ﺭﮐﮭﯿﮟ ﮔﮯ ﺗﻮ ﭘﯿﭽﮭﮯ ﮨﭩﻨﮯ ﻣﯿﮟ ﺳﮩﻮﻟﺖ ﮨﻮ ﮔﯽ، ﺍﻭﺭ ﺟﺐ ﺩﺷﻤﻦ ﮨﻤﺎﺭﮮ ﭘﯿﭽﮭﮯ ﺁﺋﮯ ﮔﺎ ﺗﻮ ﻭﮦ ﺍﭘﻨﮯ ﻋﻼﻗﮯ ﮐﯽ ﺳﮩﻮﻟﺘﻮﮞ ﺳﮯ ﻣﺤﺮﻭﻡ ﮨﻮ ﺟﺎﺋﮯ ﮔﺎ۔ ‘‘ ’’ ﺗﯿﺮﮮ ﺳﺎﻣﻨﮯ ﺍﯾﺴﯽ ﮐﻮﻥ ﺳﯽ ﺟﮕﮧ ﮨﮯ؟ ’’‘‘ ﺟﺎﺑﯿﮧ ‘‘! ﺧﺎﻟﺪؓ ﻧﮯ ﺟﻮﺍﺏ ﺩﯾﺎ۔ ’’ ﻭﮨﺎﮞ ﺳﮯ ﺗﯿﻦ ﺭﺍﺳﺘﮯ ﻧﮑﻠﺘﮯ ﮨﯿﮟ ﺍﻭﺭ ﻗﺮﯾﺐ ﺳﮯ ﮨﯽ ﺻﺤﺮﺍ ﺷﺮﻭﻉ ﮨﻮ ﺟﺎﺗﺎ ﮨﮯ۔ ﺩﺭﯾﺎﺋﮯ ﯾﺮﻣﻮﮎ ﺑﮭﯽ ﺑﺎﻟﮑﻞ ﻗﺮﯾﺐ ﮨﮯ۔ ‘‘ ﻣﺴﻠﻤﺎﻧﻮﮞ ﮐﮯ ﺑﮑﮭﺮﮮ ﮨﻮﺋﮯ ﺩﺳﺘﻮﮞ ﮐﮯ ﺳﺎﻻﺭِ ﺍﻋﻠﯽٰ ﺍﺑﻮﻋﺒﯿﺪﮦؓ ﺗﮭﮯ ﻟﯿﮑﻦ ﻭﮦ ﺧﺎﻟﺪؓ ﮐﻮ ﺍﭘﻨﯽ ﻧﺴﺒﺖ ﺯﯾﺎﺩﮦ ﻗﺎﺑﻞ ، ﺗﺠﺮﺑﮧ ﮐﺎﺭ ﺍﻭﺭ ﺟﺎﺭﺡ ﺳﺎﻻﺭ ﺳﻤﺠﮭﺘﮯ ﺗﮭﮯ۔ ﺍﺱ ﻟﯿﮯ ﺍﻧﮩﻮﮞ ﻧﮯ ﺧﺎﻟﺪؓ ﮐﻮ ﺍﭘﻨﺎ ﻣﺸﯿﺮِ ﺧﺎﺹ ﺑﻠﮑﮧ ﺩﺳﺖِ ﺭﺍﺳﺖ ﺑﻨﺎﮐﺮ ﺳﺎﺗﮫ ﺭﮐﮭﺎ ﮨﻮ ﺍﺗﮭﺎ ۔ﺍﺏ ﮨﺮﻗﻞ ﻧﮯ ﺍﯾﺴﯽ ﺻﻮﺭﺕِ ﺣﺎﻝ ﭘﯿﺪﺍ ﮐﺮ ﺩﯼ ﺗﮭﯽ ﺟﺲ ﻣﯿﮟ ﺍﻧﮩﯿﮟ ﺧﺎﻟﺪؓ ﮐﮯ ﻣﺸﻮﺭﻭﮞ ﮐﯽ ﺷﺪﯾﺪ ﺿﺮﻭﺭﺕ ﺗﮭﯽ۔ ﺧﺎﻟﺪؓ ﺗﻮ ﺍﺱ ﺳﮯ ﺑﮭﯽ ﺯﯾﺎﺩﮦ ﺧﻄﺮﻧﺎﮎ ﺍﻭﺭ ﺧﻮﻓﻨﺎﮎ ﺻﻮﺭﺕِ ﺣﺎﻝ ﻣﯿﮟ ﺑﮭﯽ ﻧﮩﯿﮟ ﮔﮭﺒﺮﺍﺗﮯ ﺗﮭﮯ۔ ﺍﻧﮩﻮﮞ ﻧﮯ ﺟﻮ ﻣﺸﻮﺭﮮ ﺩﯾﺌﮯ ، ﺍﺑﻮ ﻋﺒﯿﺪﮦؓ ﻧﮯ ﻓﻮﺭﯼ ﻃﻮﺭ ﭘﺮ ﺍﻥ ﭘﺮ ﻋﻤﻞ ﮐﯿﺎ۔ ﻭﮦ ﺯﯾﺎﺩﮦ ﺳﻮﭼﻨﮯ ﮐﺎ ﻭﻗﺖ ﺗﮭﺎ ﮨﯽ ﻧﮩﯿﮟ۔ ﺍﯾﮏ ﺍﯾﮏ ﻟﻤﺤﮧ ﻗﯿﻤﺘﯽ ﺗﮭﺎ۔ﮨﺮﻗﻞ ﮐﺎ ﻟﺸﮑﺮ ﺍﻧﻄﺎﮐﯿﮧ ﺳﮯ ﮐﻮﭺ ﮐﺮ ﭼﮑﺎ ﺗﮭﺎ،ﺣﻤﺺ ﭘﺮ ﻣﺴﻠﻤﺎﻧﻮﮞ ﮐﮯ ﻗﺒﻀﮯ ﮐﺎ ﺗﯿﺴﺮﺍ ﻣﮩﯿﻨﮧ ﮔﺰﺭ ﺭﮨﺎ ﺗﮭﺎ۔ﮨﺮﻗﻞ ﮐﮯ ﻟﺸﮑﺮ ﮐﺎ ﻭﮦ ﺣﺼﮧ ﺟﻮ ﺟﺒﻠﮧ ﺑﻦ ﺍﻻﯾﮩﻢ ﮐﯽ ﺯﯾﺮِ ﮐﻤﺎﻥ ﺗﮭﺎ، ﺟﻮﻥ ۶۳۶ﺀ ﻣﯿﮟ ﺣﻤﺺ ﮐﮯ ﻗﺮﯾﺐ ﭘﮩﻨﭻ ﮔﯿﺎ۔ ﮨﺮﻗﻞ ﮐﮯ ﺟﺎﺳﻮﺳﻮﮞ ﻧﮯ ﺍﺳﮯ ﺍﻃﻼﻉ ﺩﯼ ﺗﮭﯽ ﮐﮧ ﺍﻧﮩﻮﮞ ﻧﮯ ﻣﺴﻠﻤﺎﻧﻮﮞ ﮐﯽ ﻓﻮﺝ ﮐﻮ ﺷﯿﺮﺯ ﮐﮯ ﻣﻘﺎﻡ ﭘﺮ ﭘﮍﺍﺅ ﮈﺍﻟﮯ ﺩﯾﮑﮭﺎ ﮨﮯ ﻟﯿﮑﻦ ﺟﺒﻠﮧ ﮐﺎ ﻟﺸﮑﺮ ﻭﮨﺎﮞ ﭘﮩﻨﭽﺎ ﺗﻮ ﻭﮨﺎﮞ ﭘﮍﺍﺅ ﮐﮯ ﺁﺛﺎ ﺭ ﺗﻮ ﻣﻠﺘﮯ ﺗﮭﮯ ﻟﯿﮑﻦ ﻟﺸﮑﺮ ﮐﺎ ﮐﻮﺋﯽ ﺑﮭﯽ ﺁﺩﻣﯽ ﻭﮨﺎﮞ ﻧﮩﯿﮟ ﺗﮭﺎ ۔ ﺟﺒﻠﮧ ﻧﮯ ﮐﮩﺎ ﮐﮧ ﻭﮦ ﺣﻤﺺ ﻣﯿﮟ ﺍﮐﭩﮭﮯ ﮨﻮ ﮔﺌﮯ ﮨﯿﮟ۔ ﺍﺱ ﻧﮯ ﺍﭘﻨﺎ ﮨﺮﺍﻭﻝ ﺩﺳﺘﮧ ﺣﻤﺺ ﮐﻮ ﺭﻭﺍﻧﮧ ﮐﺮ ﺩﯾﺎ۔ ﺩﯾﮑﮭﺎ ﮐﮧ ﺷﮩﺮ ﮐﮯ ﺩﺭﻭﺍﺯﮮ ﮐﮭﻠﮯ ﮨﻮﺋﮯ ﮨﯿﮟ ﺩﯾﻮﺍﺭﻭﮞ ﭘﺮ ﺷﮩﺮ ﮐﮯ ﻟﻮﮒ ﮐﮭﮍﮮ ﺗﮭﮯ۔ ﮐﻮﺋﯽ ﻓﻮﺟﯽ ﻧﻈﺮ ﻧﮩﯿﮟ ﺁﺗﺎ ﺗﮭﺎ۔ ’’ ﮐﮩﺎﮞ ﮨﯿﮟ ﻣﺴﻠﻤﺎﻥ؟ ‘‘ ﮨﺮﺍﻭﻝ ﮐﮯ ﺳﺎﻻﺭ ﻧﮯ ﭘﻮﭼﮭﺎ۔ ’’ ﯾﮩﺎﮞ ﮐﻮﺋﯽ ﻣﺴﻠﻤﺎﻥ ﻧﮩﯿﮟ۔ ‘‘ ﺍﺳﮯ ﺍﻭﭘﺮ ﺳﮯ ﺟﻮﺍﺏ ﻣﻼ۔ ’’ ﮐﯿﺎ ﺗﻢ ﺍﭘﻨﮯ ﻣﺬﮨﺐ ﮐﮯ ﺩﺷﻤﻦ ﮐﮯ ﺳﺎﺗﮫ ﻣﻞ ﮔﺌﮯ ﮨﻮ؟ ‘‘ ﺭﻭﻣﯽ ﮨﺮﺍﻭﻝ ﮐﮯ ﺳﺎﻻﺭ ﻧﮯ ﮐﮩﺎ۔ ’’ ﮐﯿﺎ ﺩﺭﻭﺍﺯﮮ ﮐﮭﻠﮯ ﭼﮭﻮﮌ ﮐﺮ ﮨﻤﯿﮟ ﺩﮬﻮﮐﺎ ﺩﯾﻨﺎ ﭼﺎﮨﺘﮯ ﮨﻮ؟ ’’‘‘ ﺍﻧﺪﺭ ﺁﮐﺮ ﺩﯾﮑﮫ ﻟﻮ۔ ‘‘ ﺍﻭﭘﺮ ﺳﮯ ﺷﮩﺮﯾﻮﮞ ﻧﮯ ﺍﺳﮯ ﺑﺘﺎﯾﺎ۔ ’’ ﺍﮔﺮ ﺗﻢ ﺑﮭﯽ ﺍﺱ ﺩﮬﻮﮐﮯ ﻣﯿﮟ ﺷﺮﯾﮏ ﮨﻮ ﺗﻮ ﺍﭘﻨﯽ ﺳﺰﺍ ﺳﻮﭺ ﻟﻮ۔ ‘‘ ﮨﺮﺍﻭﻝ ﮐﮯ ﺳﺎﻻﺭ ﻧﮯ ﮐﮩﺎ۔ﺍﺱ ﻧﮯ ﺍﭘﻨﮯ ﺩﺳﺘﮯ ﮐﻮ ﺷﮩﺮ ﮐﮯ ﺑﺎﮨﺮ ﺭﮨﻨﮯ ﺩﯾﺎ ﺍﻭﺭ ﺍﭘﻨﮯ ﺳﺎﻻﺭ ﺟﺒﻠﮧ ﮐﯽ ﻃﺮﻑ ﻗﺎﺻﺪ ﺩﻭﮌﺍ ﺩﯾﺎ ﮐﮧ ﯾﮧ ﺩﮬﻮﮐﺎ ﻣﻌﻠﻮﻡ ﮨﻮﺗﺎ ﮨﮯ ﮐﮧ ﺷﮩﺮ ﻣﯿﮟ ﮐﻮﺋﯽ ﻓﻮﺝ ﻧﮩﯿﮟ۔ ﺟﺒﻠﮧ ﮐﻮ ﭘﯿﻐﺎﻡ ﻣﻼ ﺗﻮ ﻭﮦ ﻭﺍﮨﯽ ﺗﺒﺎﮨﯽ ﺑﮑﻨﮯ ﻟﮕﺎ۔ ’’ ﯾﮧ ﺩﮬﻮﮐﺎ ﮨﮯ۔ ‘‘ ﺟﺒﻠﮧ ﻏﺼﮯ ﺳﮯ ﭼﻼﯾﺎ۔ ’’ ﻣﺴﻠﻤﺎﻧﻮﮞ ﻧﮯ ﮨﻤﺎﺭﯼ ﻓﻮﺝ ﮐﻮ ﺟﮩﺎﮞ ﺑﮭﯽ ﺷﮑﺴﺖ ﺩﯼ ﮨﮯ ﺩﮬﻮﮐﮯ ﺳﮯ ﺩﯼ ﮨﮯ۔ ﻭﮦ ﺷﮩﺮ ﻣﯿﮟ ﻣﻮﺟﻮﺩ ﮨﯿﮟ ﺍﻭﺭ ﺍﻧﮩﻮﮞ ﻧﮯ ﮨﻤﯿﮟ ﭘﮭﺎﻧﺴﻨﮯ ﮐﯿﻠﺌﮯ ﺷﮩﺮ ﮐﮯ ﺩﺭﻭﺍﺯﮮ ﮐﮭﻠﮯ ﭼﮭﻮﮌ ﺭﮐﮭﮯ ﮨﯿﮟ۔ ‘‘ ﺟﺒﻠﮧ ﻧﮯ ﺍﭘﻨﮯ ﺗﯿﺲ ﮨﺰﺍﺭ ﮐﮯ ﻟﺸﮑﺮ ﮐﻮ ﭘﯿﺶ ﻗﺪﻣﯽ ﮐﺎ ﺣﮑﻢ ﺍﺱ ﮨﺪﺍﯾﺖ ﮐﮯ ﺳﺎﺗﮫ ﺩﯾﺎ ﮐﮧ ﺣﻤﺺ ﮐﮯ ﺩﺭﻭﺍﺯﻭﮞ ﻣﯿﮟ ﺳﯿﻼﺏ ﮐﯽ ﻃﺮﺡ ﺩﺍﺧﻞ ﮨﻮﮞ ﺍﻭﺭ ﺷﮩﺮ ﻣﯿﮟ ﺑﮑﮭﺮﯾﮟ ﻧﮩﯿﮟ۔ ﻣﺴﻠﻤﺎﻥ ﻟﻮﮔﻮﮞ ﮐﮯ ﮔﮭﺮﻭﮞ ﻣﯿﮟ ﭼﮭﭙﮯ ﮨﻮﺋﮯ ﮨﻮﮞ ﮔﮯ۔ ﺍﺳﮯ ﯾﮧ ﺧﻄﺮﮦ ﻧﻈﺮ ﺁﺭﮨﺎ ﺗﮭﺎ ﮐﮧ ﺍﺱ ﮐﺎ ﻟﺸﮑﺮ ﺷﮩﺮ ﻣﯿﮟ ﺑﮑﮭﺮ ﮔﯿﺎ ﺗﻮ ﻣﺴﻠﻤﺎﻥ ﺍﺱ ﮐﮯ ﺳﭙﺎﮨﯿﻮﮞ ﮐﻮ ﭼﻦ ﭼﻦ ﮐﺮ ﻣﺎﺭﯾﮟ ﮔﮯ۔ ﻭﮦ ﺳﯿﻼﺏ ﮐﯽ ﮨﯽ ﻣﺎﻧﻨﺪ ﺷﮩﺮ ﻣﯿﮟ ﺩﺍﺧﻞ ﮨﻮﺋﮯ ﺍﻭﺭ ﻣﺴﻠﻤﺎﻧﻮﮞ ﮐﻮ ﻟﻠﮑﺎﺭﻧﮯ ﻟﮕﮯ ﮐﮧ ﻭﮦ ﺑﺎﮨﺮ ﺁﺋﯿﮟ ﻟﯿﮑﻦ ﮐﻮﺋﯽ ﻣﺴﻠﻤﺎﻥ ﺑﺎﮨﺮ ﻧﮧ ﺁﯾﺎ۔ ﺟﺒﻠﮧ ﻧﮯ ﺧﻄﺮﮦ ﻣﻮﻝ ﻟﮯ ﮐﺮ ﮨﺮ ﮔﮭﺮ ﮐﯽ ﺗﻼﺷﯽ ﮐﺎ ﺣﮑﻢ ﺩﯾﺎ۔ ﺳﭙﺎﮨﯽ ﻟﻮﮔﻮﮞ ﮐﮯ ﮔﮭﺮﻭﮞ ﭘﺮ ﭨﻮﭦ ﭘﮍﮮ۔ ﺗﻼﺷﯽ ﮐﮯ ﺑﮩﺎﻧﮯ ﺍﻧﮩﻮﮞ ﻧﮯ ﮔﮭﺮﻭﮞ ﻣﯿﮟ ﻟﻮﭦ ﻣﺎﺭ ﮐﯽ ﺍﻭﺭ ﻋﻮﺭﺗﻮﮞ ﭘﺮ ﺩﺳﺖ ﺩﺭﺍﺯﯼ ﮐﯽ۔ ﺷﮩﺮﯼ ﭼﯿﺨﺘﮯ ﭼﻼﺗﮯ ﺑﺎﮨﺮ ﺁﮔﺌﮯ۔
